|
Luis Peña Gancheguik 100 urte beteko zituzkeen 2026ko martxoaren 29an. Mende bat geroago, haren ondareak indarrean dirau, lekuaren bokazioari sakon lotutako arkitekturaren adierazpen gisa.
Haren jaiotzaren mendeurrena ospatzeko, ondarea zaintzen duen artxiboak 2026an zehar egingo diren jarduera sorta bat antolatu du.
| • |
Luis Peña Ganchegui at 100 artikulua (2026/03/29)
Haren urtebetetzearekin bat eginez, Chicagon egoitza duen MAS Context kultura-plataformak bere kanal digitalean artikulu monografiko bat argitaratzen du, haren bizitza eta ibilbide profesionala deskribatuz eta haren proiektu esanguratsuenetako batzuk oparo ilustratuz.
|
|
| • |
Luis Peña Ganchegui: El arquitecto como Lugar liburua (apirila)
Paperean argitaratu zenetik hamar urte igaro direnean, Mario Sangalliren doktore-tesiaren edizio digitala (ISBN 978-84-87813-57-3) argitaratuko da, eta, horren bidez, haren maisu eta mentore izan zenaren bizitzari eta obrari buruzko hainbat gako eskaintzen dituen lan baten zabalkundea erraztuko da.
|
|
| • |
Plaza del Tenis, antesala del Peine del Viento erakusketa (maiatzetik irailera)
Euskadiko Arkitektura Institutuaren egungo egoitzan instalatua (Santa Teresa komentu zaharrean), erakusketak Peine del Viento plazaren egilearen jaiotzatik haren eraikuntzara doazen berrogeita hamar urteak zeharkatzea proposatzen du, haren sorkuntzan eta gauzatzean geldituz, berriki amaitutako birgaitzearen deskribapenari heldu aurretik. Bai erakusketa bera bai Peine del Viento plaza bera bisita gidatuen eta tailerren xede izango dira erakusketak dirauen bitartean.
|
|
| • |
Peña Ganchegui, mende bateko ondarea hitzaldi-zikloa (urritik abendura)
Plaza del Tenis liburuaren aurkezpen-hitzaldiarekin batera, arkitektoaren ondarearen inguruko hitzaldi sorta bat antolatu da, haren alderdi ezberdinak jorratzeko (proiektuala, ikertzailea eta irakaslea), eta udazkenean zehar egingo dira.
|
|
| • |
Peña Ganchegui, arkitekto ilustratua erakusketa (urritik abendura)
Euskal Herriko ilustrazioko hamabi profesionalek Euskadiko Arkitektura Institutuaren etorkizuneko egoitzan (Tabakalerara lekualdatu ondoren) Peña Gancheguiren obrari buruz duten ikuspegia erakutsiko dute, aukeratutako obrak irudikatzen dituen Peña Ganchegui Artxiboko materiala ere bilduko duen erakusketa batean.
|
|
| • |
Plaza del Tenis liburua (2026/09/10)
Fondo Peña Ganchegui bildumaren laugarren alea, Peña Gancheguiren obra enblematikoenak monografia moduan jorratzen dituena, Plaza del Tenisi eskainia dago, obraren hasieraren berrogeita hamargarren urteurrenean. Iñaki Abalosen testu argitaragabe bat biltzen du; nazioartean aitortutako ibilbidea duen arkitekto horrek, irailaren 10ean EAI/IAE-n liburuaren aurkezpenean parte hartuko du.
|
|
| • |
Peña Gancheguiren Mutrikuko eta Oiartzungo obren mapa-gidak (zehazteke dagoen data)
Arkitektura Eskolarekin elkarlanean argitaratutako bi mapa-giden aurkezpena; haietan, haren sortzaileak bi udalerrietan egindako obrak bildu eta identifikatzen dira.
|
Azken batean, 2026a Peña Gancheguiren obra berriro begiratu, zeharkatu eta berraurkitzeko urtea izatea proposatzen dugu.
versión española | english version
|
